>>話說琴日喺澳門工幹完，試左呢個新屎坑，我既結論係，如果住北區要喺澳門返香港／香港去澳門，都係上水搭小巴去屯門坐船／澳門搭船去屯門再轉上水小巴吧啦。
>>我琴日係搭口岸穿梭巴士，即係由澳門口岸去香港口岸。但係無論你係喺澳門市區上車搭直通巴（即係目的地係去九龍市區），定係自己搭車上去人工島轉口岸穿梭巴士，你未上到去個口岸過關，已經塞車塞到傻，因為只有一條路上到去口岸，就係經友誼大馬路轉上去大橋澳門口岸，而果條路本身，每逢返工放工時間，已經比來往關閘既車塞死。上到去個澳門口岸，簡直死城一樣，水靜鵝飛，呢一刻已經感覺到有少少瀨野，唯一優點係呢度售票處D人服務態度好過碼頭囉。亦都因為無乜人，好快就過到關上車，40分鐘去到大嶼山，但係唔Ｌ好意思，A43唔經香港口岸，即係無車直接返北區，真係想屌出聲..... 總之，去澳門，最方便就係坐船，完。
